Námskeiðið kom mér verulega á óvart þetta var allt nýtt fyrir mér. Steinunn er full af fróðleik og visku sem hún skilar frá sér á skemmtilegan og góðan hátt. Hvað er Ahimsa? Hver eru gildin mín? Hvað þýðir það að sýna sér mildi ? Þessum spurningum ásamt mörgu öðru sem skiptir þig máli og engan annan færð þú svör við á námskeiðinu.

Ég þurfti/mig langaði til að mæta mér betur á þeim stað sem ég var í upphafi námskeiðs, og þarna fékk ég verkfærin. Náði að kyrra hugann, huga og sinna sjálfri mér með þeim kærleika sem ég hef ávallt að gefa öðrum. Ég fór í gegnum gildin mín í lífinu, hvað ég var búin að gera og hverju ég vil vinna meira í. Ég náði að núllstilla hugann þegar hann vildi fara í allar aðrar áttir, og náði að kjarna mig. Steinunn er góður leiðbeinandi. Hefur marga kosti í sínu fari til að leggja inn í umræðuna og sýnir hverjum þátttakanda kærleika og mildi, sem við þurfum svo mikið á að halda.

Þetta námskeið ýtti manni svo sannarlega fram á brún áskorunnar við að horfast í augu við sjálfa sig æ margan hætt, að horfa á sinn innri sannleika tekur heilmikið á bæði andlega og líka líkamlega, þessi sannleikur er duglegir að plata mann, jömurnatar sem Kristín er að vinna með eru frábært verkfæri til að vinna með og í sjálfum sér. Kristín er skemmtileg, talar fallega og góða íslensku. Verkefnin sem við fengum ī lok hverrar viku eru góð og færa mann inn í dýpri og nánari pælingar um verkefnið vikunnar.

Ég mæli algjörlega með þessu námskeiði. Steinunn Kristín er glaðlynd og hefur yndislega nærveru, sem gerir það að verkum að maður á auðvelt með að halda athygli og meðtaka efnið. Eftir námskeiðið finn ég hvernig ég er yfirvegaðri og næ þar með að vera einbeittari. Ég er búin að læra að sætta mig við takmarkanir mínar, en á sama tíma að finna út að þær takmarkanir eru ekki óumbreytanlegar. Nú er í vinnslu að verða besta útgáfan af sjálfri mér

Þetta námskeið er vitundarvakning mæli svo mikið með þessu ef þú ert tilbúin að sleppa takinu á ótta, berskjalda sig algjörlega og treysta flæðinu. Taka á móti og kafa djúpt en það er þá líka eins gott að maður sé tilbúin því þetta er sársaukafullt en á sama tíma eins himininn séu bara bleik ský og það rigni glimmeri 💖 Ég tek út úr þessu ákveðið jafnvægi og mun meiri þolinmæði gagnvart mér sem er risastórt. Sem og það sem ég segi hér að ofan.

Ég var einmitt að því í gær og ég sagði strax frábært. Þetta námskeið kom akkúrat inn í líf mitt á réttum tíma. Mér fannst að þessi aukna hugarró gæfi mér mun meira hugrekki fyrir næstu áskorunum. Bæði í einkalífinu og í starfi. Einkum þó að hafa viku fyrir hvert verkefni og ígrundaðar það var bæði áskorun of hollt. Ein sem vill helst gera allt strax og vera fljót að því. Róinn er því nýtt verkfæri og gefur mér fleiri og meiri tækifæri til að fara sæl í sinni í gegnum dagana.

Viska, væntumþykja, mjög góð svör og jákvæðar leiðir hjá Steinunni. Gleði, virkilega góðar kveikjur fyrir lífið og hvernig hið góða innra með manni getur stundum verið grafið undir því neikvæða. Mæli 100% með að allir taki þátt næst.

Námskeiðið er gott og aðgengilegt, ekki flókið og ekki of yfirgripsmikið svo manni fallist hendur. Það er akkúrat það sem þarf til að byrja í sjálfsvinnu.

Námskeiðið í heild sinni var frábært, ég átti ekki von á að finna svona mikið af tilfinningum í þessari vinnu. Ég átti ekki von á að net námskeið gerði svona mikið fyrir mig. Námsefnið hef ég oft lesið áður en núna með útskýringum frá Steinunni skildi ég efnið mikið betur en áður. Að vera í hóp með öðrum og að geta fengið hugleiðslu og hugrenningar hinna var mjög gott og gagnlegt. Ég er fullkomlega ánægð með námskeiðið en hefði alveg kosið að hafa það lengra. Eins og ég skrifaði hér fyrir ofan þá myndi ég hvetja alla sem hafa minnsta áhuga á að skoða sig og sína hugsun að fara á þetta námskeið. Ég allavega er búin að stækka helling og er tilbúin til að halda áfram að iðka það sem ég lærði.

Virkilega áhugavert og fróðlegt námskeið sem gefur manni tækifæri til að hugsa um sig og sín gildi og hvað skiptir mig mestu máli og hvernig ég get getur blómstrað sem einstaklingur.

Mæli mjög með þessu námskeiði. Hef farið á allskonar námskeið en þetta snart mig mjög. Fékk mig til að hugsa betur um hvað ég eyði orkunni og tímanum í. Hverju má sleppa og hvað hentar mér, sortera. Varð rólegri og dugleg að nýta hugleiðslurnar, á betur með að sofna á kvöldin og sef betur. Næ betur tökum á því þegar hugurinn fer á flug. Virkilega flott námskeið.

Ég hugsa að það sé helsta sem ég hef tekið eftir er að ég er að fara meira innávið og finn að ég er að þroskast hvað varðar tengingu við mitt innrasjálf. Það hefur tekið á en ég sýndi mér mildi eftir að fara langt niður og á því lærði ég mikið. Það að taka hugleiðslustund gefur mér mikið innri ró.